MBOTEN TANSAH GERSULA

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

إِنَّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْهُ فَلاَ هَادِيَ لَهُ. وَأَشْهَدُ أَنْ لاَ إِلهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللّهُمَّ صَلِّ وَسَلِّمْ وَبَارِكْ عَلَى نَبِيِّكَ مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ. مَعَاشِرَ الْمُسْلِمِيْنَ أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ الْمُؤْمِنُوْنَ الْمُتَّقُوْنَ، وَتَزَوَّدُوْا فَإِنَّ خَيْرَ الزَّادِ التَّقْوَى، قَالَ تَعَالَى فِيْ كِتَابِهِ الْكَرِيْمِ : يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا

Para sedherek jamaah Jum’ah ingkang minulya.

Kita usahaaken saged tetep kiyat iman lan taqwa sinahosa wonten kondisi punapa kemawon. Gesang punika boten lurus-lurus kemawon. Wonten kalanipun minggah, lan wonten kalanipun mandhap; saged dinten punika sae lan lancar, lan saged lintu dinten awon lan sendhet; ima kahananipun padhang mbranang lan ima peteng ndhedhet.  Ingkang sedaya punika sajatosipun dados ujian kangge kita, punapa kita badhe iman utawi kufur, punapa kita badhe syukur utawi kufur, punapa kita tetep taqwa lan ta’at utawi lacut lan duraka. Kalebet ujian sugih, mlarat, pangkat, drajat, punika ugi minangka kangge nguji kita sedaya. Ayat-ayat suci pangendikanipun gusti Allah ing ngajeng punika mangga sami kita gatosaken. Allah ngendika ing QS. Al-Ma’arij : 19 – 21:

 

Artosipun :

“Satemene manungsa iku den ciptakake nduweni sipat nggersula tur medhit.Nalika dhewekne kataman kasusahan dhewekne ngaru-ara.Lan nalikane dhewekne merkoleh kebagusan, dhewekne banget medhite.”

Para sedherek, punikalah sifat manungsa, inggih sipat kita sedaya : gampil nggersula, ngalu-alah utawi ngaru-ara menawi saweg nandhang kesisahan, karupekan. Ananging rikalanipun dipun paringi kabegjan utawi kahanan ingkang ngeremenaken, manungsa lajeng dados lena, kesupen utawi gantos srengat lan sanget kumetipun.

Kadospundi caranipun ngrubah sipat-sipat awon punika, supados dados sipat-sipat ingkang pinuji? Kados pundi supados kita tetep saged dados manungsa ingkang taqwa, sabar nalikanipun sisah lan syukur ing dalem kanikmatan? Ayat saterasipun nerangaken perkawis punika :

ž  

Artosipun :

“Kejaba wong-wong kang njumenengake shalat. Kang dhewekne iku tetep ing dalem njumenengake salate.Lan wong-wong kang ana ing ndalem bandhane cumawis bagian kang wus den temtoake (24)Kanggo wong (meskin) kang njejaluk lan wong kang ora nduwe apa-apa (kang ora gelem njejaluk”.

Para sedherek, inggih punika insyaallah ingkang nyelametaken kita saking nggadhahi sipat nggersula lan medhit. Inggih punika, purun nindakaken salat, tur ajeg lan langgeng. Purun ngedalaken sedhekah, sae ingkang wajib utawi ingkang sunat, kangge sedherek ingkang miskin, sae tiyang miskin kalawau nyadhong-nyadhong nyenyuwun utawi boten purun nyuwun amargi lingsem lan perwira.

Para sedherek, mugi-mugi kita sedaya saged nindakaken lan ngamalaken dhawuh Allah punika. Amien.

بَارَكَ اللهُ لِيْ وَلَكُمْ فِى الْقُرْآنِ الْعَظِيْمِ وَنَفَعَنِى وَاِيَّا كُمْ بِمَا فِيْهِ مِنَ الْاٰيَاتِ وَالذِّكْرِالْحَكِيْمِ. أَقُوْلُ قَوْلِى هٰذَا وَأَسْتَغْفِرُ اللهَ تَعَالَى لِىْ وَلَكُمْ, فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ, وَقُلْ رَّبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ.