SIFAT-SIFAT TIYANG MUKMIN

السلا م عليكم ورحمة الله وبركا ته

اَلْحَمْدُ للهِ الَّذِى اَرْسَلَ رَسُوْ لَهُ بِالْهُدَى  وَدِيْنِ الْحَقِّ لِيُظْهِرَهُ  عَلى الدِّيْنِ  كُلِّهِ وَلَوْ كَرِهَ اْلمُشْرِكُوْنَ  . اَشْهَدُ اَنْ لآ اِلهَ اِلاَّ اللهُ  وَحْدَهُ    لاَ شَرِ  يْكَ   لَهُ  . وَاَشْهَدُ اَنَّ مُحَمَّدًا عَبْدُهُ وَرَسُوْ لُهُ  . اَللّهُمَّ صَلِّ وَسَلِّمْ وَبَارِكْ عَلى سَيِدِنَا مُحَمَّدٍ وَعَلى الِهِ وَصَحْبِهِ  اَجْمَعِيْنَ  اِلى يَوْمِ الدِّيْنِ ( اَمَّا بَعْدُ )   فَيَا عِبَا دَاللهِ   اُوْصِيْكُمْ وَنَفْسِى  بِتَّقْوَى  اللهِ  .  اِتَّقُوا اللهَ حَقَّ تُقَا تِهِ  وَلاَ تَمُوْ تُنَّ اِلاَّ وَاَنْتُمْ مُسْلِمُوْنَ

Jama’ah Jum’ah Rahimakumullah

Minangka purwakaning atur kula ngajak dumateng awak kula piyambak lan panjenengan sedaya, mangga sami netepi taqwa dateng Allah SWT kanthi nindakaken sedaya dawuh-dawuhipun lan nebihi awisan-awisanipun. Mugi-mugi kita saget slamet wiwit saking dunya ngantos akhiratipun.

Hadirin ingkang minulya,  Allah Swt. dhawuh wonten ing Al-Qur’an:

Artosipun:

“Satemene wong-wong kang iman hiya iku wong-wong kang nalikane ditutur asma Allah dhewekw padha gemeter atine,  lan nalikane diwacakake marang dheweke ayat-auaye Allah, imane dheweke malah sangsaya tambah, lan namung marang Pangeran dheweke padha tawakkal. (hiya iku) wong-wong kwng njumenengake salat lan kang padha gelem nafkahake saperangan sangka rizki kang wus Ingsun paringake marang dheweke “ (QS. Al-Anfaal : 2-3).

Hadirin ingkang minulya

Ayat kasebat ing nginggil  paring pitedah dhumateng kita magayutan kaliyan sifat-sifatipun tiyang mukmin. Wondene sifat-sifatipun tiyang mukmin lelambaran ayat kasebat  kalawau, inggih punika:

1.    Tiyang ingkang manawi dipun sebat asmanipun Allah Swt. gemeter manahipun

Gemeter manahipun jalaran ajrih dhumateng Allah Swt. lajeng nindakaken sedaya dhawuh-dhawuhipun Allah Swt. lan nilar sedaya awisan-awisanipun. Sak lajengipun Allah dawuh:

 Artosipun:

“Lan suprandene wong-wong kang padha wedhi marang kaagungan Pangerane lan padha nyegah saka kapinginan hawa napsune.Mula satemene suwarga iku dadi papan panggonane.” (QS. An-Nazi’at :40-41)

2.    Tiyang ingkang manawi dipun waosaken  ayat-ayatipun Allah Swt. sangsaya tambah imanipun.

Imam Bukhari lan ugi imam-imam sanesipun kalebet miderek mazhab jumhur ulama sami nyarujuki bilih iman punika saged tambah lan saged kirang. Lan iman wonten ing manah punika nggadhahi sifat minggah lan mandhap. Allah Swt. dhawuh:

„ 

Artosipun :

“Lan nalikane diturunake sawijine surat, mula ing antarane dheweke kabeh (wong-wong munafek)ana kang ngucap : “ Sapa toh ing antarane sira kabeh kang bisa tambah imane sebab (tumurune) surat iki? Suprandene, wong-wong kang padha iman, mula surat iki bisa nambahi imane, malah-malah dheweke kabeh padha ngrasa bungah-bungah.” (QS. At-Taubah :124).

3.    Tiyang ingkang tawakkal namung dhumateng Allah Swt.

Tawakal punika minangka pokokipun keimanan. Tiyang mukmin punika boten nggadhahi pangarep-arep lan nggadhahi tujuan sanes kajawi namung dhumateng Allah Swt. Allah Swt dhawuh: 

Artosipun :

“Lan namung marang Pangeran dheweke padha tawakal.” (QS. Al-Anfaal [8]:2).

4.     Tiyang ingkang nindakaken sadaya kesaenan jalaran kiyatipun iman lan akidah ingkang sampun tumancep wonten ing manahipun.

Kalebet amal kesaenan inggih punika tiyang ingkang sampun njumenengaken  shalat kanthi sae minangka nyempurnakaken hak-hakipun Allah Swt.. Njumenengaken shalat maksudipun tiyang ingkang sampun saged njagi shalatipun; njagi wekdalipun, jagi anggenipun sesuci, njagi badan lan papan panggenaipun saking najis, shalat dipun tindakaken kanthi khusuk,  tumakninah, lan shalat ingkang sampun saged mangertosi suraos lan maknanipun waosan shalat. Allah swt. dhawuh:

Artosipun:

“Sak temene shalat iku sawijining kewajiban kang ditemtokake wektune tumrap wong- wong kang padha iman.” (QS. An-Nisa’ [4]: 103).

5.     Tiyang ingkang nafkahaken seperangan rijki ingkang dipun paringaken Allah Swt.

Kalebet pangertosan punika, bayar zakat lan sedaya hak-hakipun Allah Swt. sanesipun, sahe ingkang wajib utawi ingkang sunnah.

Jama’ah Jum’ah rahimakumullah,

Tiyang mukmin ingkang nyandhang sifat-sifat kados kasebat ing nginggil kala wahu dipunsebat tiyang iman ingkang sayektos-yektosipun. Ingih tiyang iman ingkang kados makaten punika kalawahu badhe pikantuk derajat ingkang luhur lan pangapunten saha rijki ingkang agung saking ngarsanipun Allah Swt. Kados dhawuhipun Allah Swt.:

Artosipun :“Hiya kaya wong mangkono mau wonh-wong kang iman kanthi sak bener-benere. Dheweke bakal enthuk pira-pira derajat kang luhur sangka ngarsane Allah lan pangapura sarta rizki(nikmat) kang agung.”

(QS. Al-Anfaal [8]:4).

Jamah jum’ah rahimakumullah

Mekaten engkang saget kula aturaken, mugi-mugi kita saget kalebet tiyang mukmin engkang sak leres-leresipun . Amin

بَارَكَ اللهُ لِيْ وَلَكُمْ فِى الْقُرْآنِ الْعَظِيْمِ وَنَفَعَنِى وَاِيَّا كُمْ بِمَا فِيْهِ مِنَ الْاٰيَاتِ وَالذِّكْرِالْحَكِيْمِ. أَقُوْلُ قَوْلِى هٰذَا وَأَسْتَغْفِرُ اللهَ تَعَالَى لِىْ وَلَكُمْ, فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ, وَقُلْ رَّبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ.