AMAR MAKRUF LAN NAHI MUNGKAR

إِنَّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْهُ فَلاَ هَادِيَ لَهُ. وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللّهُمَّ صَلِّ وَسَلِّمْ وَبَارِكْ عَلَى نَبِيِّكَ مُحَمَّدٍ وَعَلَى آلِهِ وَمَنْ تَبِعَ هُدَاهُ إِلَى يَوْمِ الْقِيَامَةِ.   مَعَاشِرَ الْمُسْلِمِيْنَ أُوْصِيْكُمْ وَإِيَّايَ بِتَقْوَى اللهِ، فَقَدْ فَازَ الْمُؤْمِنُوْنَ الْمُتَّقُوْنَ، وَتَزَوَّدُوْا فَإِنَّ خَيْرَ الزَّادِ التَّقْوَى،ُ قَالَ تَعَالَى فِيْ كِتَابِهِ الْكَرِيْمِ : يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا

Para sedherek Muslimin ingkang minulya.

Mangga kita  tansah ningkataken taqwa  dumateng Allah wonten ing sedaya wekdal lan kawontenan.Tegesipun tansah nindakaken dhawuhipun Allah sarta nebihi sedayo awisanipun.Sebab Kita sami yakin bilih kanthi taqwa dateng Allah gesang kita badhe dipun ridlani , badhe pikantuk keslametan ingkang sejati wiwit donya ngantos  akhiratipun.

Para sedherek, setunggalipun ayat Al-Qur’an ngendikaken :

 “Lan supayaha ana ing antarane sira kabeh sagolongane umat kang ngajak-ajak tumuju marang kebagusan, padha printah marang kang makruf lan nyegah saka kang mungkar; hiya dhewekw kabeh iku wong-wong kang nemahi kauntungan.” (QS. Ali Imran: 104)

Para sedherek, ingkang dimaksud kaliyan “makruf” wonten ayat punika, inggih sedaya tumindak lan tingkah laku ingkang saged njalari dados caket kaliyan Allah, dene “mungkar” sedaya perkawis ingkang nebihaken saking Gusti Allah.

Saking ayat punika kita saged mendhet pangertosan bilih kita umat Islam, utawi minimal sebagianipun, punika kedah wonten ingkang nindakaken tugas saking Allah swt, ngajak-ajak dhateng margi kesaenan; tumut nyiptakaken situasi masyarakat ingkang mashlahah ingkang sami tumuju dhateng tingkah polah ingkang makruf lan nebihi perkawis-perkawis mungkar. Dados para alim, kyai, ustadz, guru ngaji, tokoh-tokoh masyarakat, punika bertanggungjawab amrih tumatanipun umat punika adhedhasar prinsip-prinsip kesaenan kadosta : guyub rukun (lan nebihi pasulayan ingkang berlarut-larut), tepa selira (lan nebihi rumaos beneripun piyambak), tulung-tinulung (lan boten bersikap mentingaken urusanipun piyambak), andhap asor (lan boten kumalungkung), sarta sedaya tindakan ingkang dipun rilani lan dipun dhawuhaken dening Gusti Allah.

Ananging ingkang nami “ajak-ajak utawi dakwah”, lan ingkang dipun maksud kaliyan tumut ‘menciptakan tatanan masyarakat’ temtu cara lan dalanipun warni-warni, sesuai kaliyan kemampuan lan kondisinipun. Saged kanthi ilmu, saged kanthi bandha, saged ugi tenaga, lan saged ugi kanthi pengaruh utawi panguwasa. Kanjeng Nabi Muhammad SAW ngendika :

َمنْ رَأَى ِمْنكُمْ ُمْنكَرَا َفْلُيغَيِّرْهُ ِبَيِِدهِ فَإِنْ لَمْ َيْستَطِعْ فَبِلِسَاِنِه َوَمْن َلْم َيْستَطِعْ فَبِقَلْبِهِ وَذَلِكَ أَضْعَفُ اْلإيمَان (رواه مسلم)
Artosipun :

“Sapa wae saka seliramu kabeh ana sing weruh kemungkaran mula owahana (dadi makruf) nganggo tangane (kekuwasaan, pengaruh). Ewodene ora mampu kanthi tangan, ya dakwaha nganggo lisane (ceramah, khotbah, ugi termasuk tulisan). Lan yen wong ora mampu karo-karone mula sing penting bisa njaga atine, ananging iku level iman sing paling ringkih. “ HR. Muslim

بَارَكَ اللهُ لِيْ وَلَكُمْ فِى الْقُرْآنِ الْعَظِيْمِ وَنَفَعَنِى وَاِيَّا كُمْ بِمَا فِيْهِ مِنَ الْاٰيَاتِ وَالذِّكْرِالْحَكِيْمِ. أَقُوْلُ قَوْلِى هٰذَا وَأَسْتَغْفِرُ اللهَ تَعَالَى لِىْ وَلَكُمْ, فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ, وَقُلْ رَّبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ.